दाङ – राजपुर गाउँपालिकाले सामाजिक सुरक्षा भत्ता अब वडा तहबाटै बितरण गर्ने भएको छ ।
सबै मानिसहरु बैंकमा जान सक्ने अवस्था नभएको भन्दै वडा तहबाटै बितरण गरेको राजपुर गाउँपालिकाका अध्यक्ष शरद कुमार बुढाथोकीले जानकारी दिनु भयो ।
हरेक जनतालाई गाउँगाउँमा सिंहदरवार पुगेको अनुभुति दिलाउने गरि पालिकाले यसखाले निर्णय गरेको अध्यक्ष बुढाथोकीले बताउनु भयो ।
बैंकमा लामबद्द भएर दिनभरी बस्नु पर्ने, विभिन्न रोगको शिकार हुनु पर्ने जस्ता समस्याको ख्याल गरेर वडा बाटै भत्ता दिने योजना बनाइएको उहाँको भनाई छ ।
आज एक कार्यक्रमको आयोजना गरि राजपुर गाउँपालिका-६ का १ सय ९२ जनालाई सामाजिक सुरक्षा भत्ता बितरण गरिएको छ । अबदेखि वडा तहबाटै बितरण हुनेछ ।
गाउँपालिका अध्यक्ष शरद कुमार बुढाथोकी र वडा नम्बर -६ का वडा अध्यक्ष श्याम रोकाको उपस्थितिमा सामाजिक सुरक्षा भत्ता बितरण गरिएको हो ।
प्रतिक्रिया दिनुहोस्