‘साना साना सपना’ नाटक मञ्चन

दिवाकर पोख्रेल

दाङ – शिल्पी थिएटरको मुक्त रङ्गमञ्च साना साना सपनाको नाटकको मञ्चन गरिएको छ । दाङको लमहीमा उक्त नाटकको मञ्चन गरिएको हो । घिमिरे यूवराज परकल्पना तथा निर्देशनमा तयार पारिएको नाटकमा समाजको वास्तविक समस्यालाई उजागर गर्न खोजिएको छ ।

कृषि,राजनितिक, कार्यालयमा वास्तविक जनताले बेहोर्नु परेको समस्यालाई नाटकमा उतारिएको छ । लुम्बिनी, कर्णली र सुदुरपश्चिम प्रदेशका विभिन्न जिल्ला गरेर २१ ठाउँमा नाटक प्रदर्शन गरिने छ । असोज २५ गते देखि कार्तिक ८ गते सम्म नाटक प्रदर्शन गरिनेछ ।

नाटकमा मन्जु श्रेष्ठ,संगीता उराँव,झकेन्द्र वि.सी.,ज्योती पोखरेल,सविना कट्टेल,रविना परियार,गोविन्द ओली,हिमाल भुजेल लगायतले अभिनय गरेका छन् । नाटकमा कलाकारको बेजोड प्रस्तुती देख्न सकिन्छ ।

झन्डै एक घण्टाको समय अवधिको नाटकमा समाजका वास्तविक समस्या उजागर गर्न नाटक सफल भएको दर्शकहरुले बताए । दाङको लमहीमा नाटक हेरेपछि नागरिक समाज दाङका उप संयोजक निमवहादुर थापाले छोटो समयमा मूलुको हरेक क्षेत्रको समस्या उजागर गर्न सफल भएको बताए।

उनले भने,‘कृर्षिमा विचौलिया,राजनितिमा अवसरबाद,कर्मचारीतन्त्रमा देखिएको व्यपाप्त भष्ट्रचार र विकासमा लापरवाही लाई जस्ताको त्यस्तै देखाइएको छ,नाटक पूर्ण रुपमा चेतनामुलक नै छ ।’ हेर्नुस होस् भिडियो