दाङ – राजपुर गाउँपालिका ७ मा क्रियाशील प्रगतिशील महिला समूहले सामाजिक उत्तरदायित्वको उदाहरण प्रस्तुत गर्दै स्थानीय शिवशक्ति माध्यमिक विद्यालयलाई शैक्षिक सामग्री सहयोग गरेको छ । समूहले करिब ६ हजार रुपैयाँभन्दा बढी मूल्यका स्टेसनरी सामग्री विद्यालयलाई प्रदान गरेको हो ।
शिवशक्ति माध्यमिक विद्यालय प्रधानाध्यापक लीलाधर विश्वकर्माका अनुसार केही समयअघि सदस्य हरिकला विकको निधन भएपछि उहाँको सम्झनामा सकारात्मक र दीर्घकालीन प्रभाव पार्ने काम गर्ने उद्देश्यले उक्त सहयोग गरिएको हो । “समाजमा केही योगदान पुगोस् भन्ने भावनाले दिवंगत सदस्यको सम्झनामा विद्यालयलाई सहयोग गर्छौं भनेर उहाँहरु आउनु भयो,” विद्यालयका प्रधानाध्यापक विश्वकर्माले भन्नु भयो ।
शिवशक्ति माध्यमिक विद्यालय भौवा नाकाका प्रधानाध्यापक विकले उक्त सामग्री हस्तान्तरण गरिएको जानकारी दिँदै यसले विद्यार्थीहरूको पठनपाठनमा सहजता ल्याउने विश्वास व्यक्त गर्नुभयो । उहाँका अनुसार विद्यालयमा अध्ययनरत विद्यार्थीहरू विशेषगरी आर्थिक रूपमा कमजोर पृष्ठभूमिका भएकाले यस्ता सहयोगले उनीहरूको शैक्षिक यात्रामा सकारात्मक प्रभाव पार्नेछ ।
हस्तान्तरण गरिएको सामग्रीमा कापी, कलम, पेन्सिल, इरेजर लगायतका आवश्यक शैक्षिक सामग्रीहरू रहेका छन् । विद्यालय प्रशासनले यस्ता सामग्री आवश्यक विद्यार्थीहरूलाई वितरण गर्ने जनाएको छ ।
स्थानीय स्तरमा महिला समूहले गरेको यो कार्यले सामाजिक एकता, सहकार्य र मानवीय संवेदनशीलताको उदाहरण प्रस्तुत गरेको छ । साथै दिवंगत सदस्यको सम्झनामा गरिएको यस्तो पहलले समाजमा प्रेरणादायी सन्देश समेत दिएको छ । समाचारको शिर्षक लेख्नुस
प्रतिक्रिया दिनुहोस्