काठमाडौं– नवनियुक्त सहरी विकासमन्त्री मेटमणि चौधरी गृहजिल्ला दाङ आउने भएका छन् ।
मन्त्री चौधरी बिहीबार साँझ नेपालगञ्ज हुँदै देउखुरी आउने कार्यक्रम रहेको निजी सचिवालयले जनाएको छ ।
मन्त्री पदको शपथ लिएपछि चौधरी आफ्ना निर्वाचन क्षेत्रका मतदातालाई धन्यावाद दिन आउन लागेका हुन् ।
नेकपा (एकीकृत समाजवादी) दाङको पार्टी नेतृत्व, पार्टीका साथी तथा शुभेच्छुकहरूसँग पनि भेट गर्ने कार्यक्रम मन्त्री चौधरीको रहेको छ ।
उनले शुक्रबार बिहान दाङका स्थानीय पत्रकारहरूसँग पनि भेटघाट गर्नेछन् । चौधरी दाङ क्षेत्र नं. १ बाट निर्वाचित प्रतिनिधिका सांसद हुन् ।
प्रतिक्रिया दिनुहोस्