भूकम्पमा ज्यान गुमाउनेको संख्या २५२ पुग्यो

काठमाण्डौ – इन्डोनेशियाको जाभा आइल्याण्डमा गएको भूकम्पमा ज्यान गुमाउनेको संख्या २५२ पुगेको छ । सोमबार ५.६ म्याग्निच्युण्डको भूकम्प जाँदा मानवीय तथा भौतिक क्षति भएको हो ।

उद्धारकर्मीहरु भग्नावशेषमा फसेकाहरुको उद्धारका लागि अझै प्रयास गरिरहेका छन् । जाभा प्रान्तको सियानजुर क्षेत्र केन्द्रविन्दु भएर गएको भूकम्पका कारण पहिरो पनि गएको थियो । यस्तै भवन भत्किँदा धेरै मानिस विस्थापित भएका छन् ।

अहिलेसम्म भूकम्पका कारण मृत्यु हुनेको यकिन संख्या यकिन हुन सकेको छैन । स्थानीय सरकारले मंगलबार इन्स्टाग्राममा पोस्ट गरेको जानकारीमा २५२ जनाको ज्यान गएको उल्लेख गरेको छ । यस्तै ३७७ जना घाइते रहेको र ३१ जना बेपत्ता भएको जनाइएको छ ।