दाङ क्षेत्र नं. १ अन्तर्गतका विभिन्न विकास योजनाहरूको चर्चा भइरहँदा ती योजनाहरूको सुरुवाती चरणमा भएका पहल, बजेट माग र राजनीतिक दबाबका विषयलाई पनि स्मरण गर्न आवश्यक हुन्छ । विकास निर्माणका ठूला परियोजनाहरू एकै दिनमा सम्भव हुँदैनन् । त्यसका लागि वर्षौंअघि देखि आवश्यक योजना तर्जुमा, बजेटको माग, सम्बन्धित निकायसँग समन्वय तथा निरन्तर पहल आवश्यक पर्दछ । यही सन्दर्भमा नेपाली कांग्रेस दाङ क्षेत्र नं. १ का तत्कालीन तथा बर्तमान क्षेत्रीय सभापति भेषराज पाण्डेले २०७३ साल चैत २० गते नै क्षेत्रका विभिन्न महत्वपूर्ण योजनाहरूका लागि सम्बन्धित निकायमा बजेट माग तथा आवश्यक पहल गर्नुभएको तथ्य उल्लेखनीय छ ।
त्यस समयमा दाङ क्षेत्र नं. १ का ग्रामीण बस्तीहरू सडक, पुल तथा अन्य आधारभूत पूर्वाधारको अभावबाट प्रभावित थिए । वर्षायाममा नदी तथा खोलाहरू तर्न समस्या हुने, कृषि उत्पादन बजारसम्म पुर्याउन कठिनाइ हुने तथा शिक्षा र स्वास्थ्य सेवामा पहुँच कमजोर हुने अवस्था थियो । यी समस्याहरूलाई मध्यनजर गर्दै सभापति पाण्डेले क्षेत्रका जनताका आवश्यकता र मागलाई समेटेर विभिन्न योजनाहरूका लागि सरकारसमक्ष बजेट विनियोजनको माग गर्नुभएको थियो, जतिबेला नेपाली कांग्रेसका नेता रमेश लेखक भौतिक पूर्वाधार तथा यातायात मंत्री हुनुहुन्थ्यो ।
विशेषगरी राप्ती नदी तथा क्षेत्रका अन्य खोला नालाहरूमा पक्की पुल निर्माण, ग्रामीण सडक स्तरोन्नति, कृषि उत्पादनलाई सहज बजार पहुँच दिलाउने सडक सञ्जाल विस्तार, सिंचाइ संरचनाको विकास तथा अन्य पूर्वाधार निर्माणका विषयमा कांग्रेसले निरन्तर आवाज उठाउँदै आएको थियो । ती योजनाहरू केवल चुनावी नारामा सीमित नभई औपचारिक रूपमा सम्बन्धित मन्त्रालय र निकायमा प्रस्तुत गरिएका विकास प्रस्तावहरू थिए ।
नेपाली कांग्रेसले दाङ क्षेत्र नं. १ को विकासलाई दीर्घकालीन दृष्टिकोणबाट हेर्दै आएको छ । सडक र पुल निर्माणलाई मात्र नभई आर्थिक विकास, कृषि आधुनिकीकरण, शिक्षा र स्वास्थ्य क्षेत्रको पहुँच विस्तारलाई पनि प्राथमिकतामा राखेर योजना निर्माण गरिएको थियो । त्यसैअनुसार विभिन्न समयमा सरकारको ध्यानाकर्षण गराउने, बजेट माग गर्ने तथा योजनाहरूलाई राष्ट्रिय प्राथमिकतामा पार्न पहल गर्ने कार्य गरिएको थियो ।
आज विभिन्न स्थानमा निर्माणाधीन वा स्वीकृत भएका योजनाहरूको चर्चा भइरहँदा ती योजनाको प्रारम्भिक अवधिमा भएका प्रयासहरूलाई पनि निष्पक्ष रूपमा मूल्याङ्कन गर्न आवश्यक छ । विकास योजनाहरूको श्रेय उद्घाटन वा निर्माण सुरु भएको मितिलाई मात्र दिइनु उचित हुँदैन । योजना निर्माणको अवधारणा तयार गर्ने, बजेटका लागि पहल गर्ने, सम्बन्धित निकायलाई घच्घच्याउने र जनताको आवश्यकता राज्यसम्म पुर्याउने कार्य पनि विकास प्रक्रियाको महत्वपूर्ण हिस्सा हो ।
नेपाली कांग्रेसले दाङ क्षेत्र नं. १ का सभापति भेषराज पाण्डेको नेतृत्वमा नेपाली कांग्रेस दाङ क्षेत्र नं. १ ले यही भूमिकालाई प्रभावकारी रूपमा निर्वाह गरेको थियो । २०७३ सालमै गरिएको बजेट माग र विकास योजनासम्बन्धी पहलले त्यसबेला क्षेत्रका जनताको अपेक्षा र आवश्यकतालाई राज्यको ध्यानाकर्षण गराएको थियो । त्यसका कारण धेरै योजनाहरू नीति तथा कार्यक्रम र बजेटका विभिन्न चरणमा प्रवेश गर्न सफल भएका थिए ।
नेपाली कांग्रेसले सदैव लोकतन्त्र, विकास र समृद्धिको पक्षमा उभिएर जनताको जीवनस्तर उकास्ने उद्देश्यका साथ काम गर्दै आएको छ । दाङ क्षेत्र नं. १ मा भएका विकास पहलहरू पनि यही सोच र प्रतिबद्धताको निरन्तरता हुन् । विकासका सवालमा राजनीतिक पूर्वाग्रहभन्दा माथि उठेर विगतमा कसले के पहल गर्यो भन्ने तथ्यलाई सम्मान गर्नु लोकतान्त्रिक संस्कृतिको महत्वपूर्ण पक्ष हो ।
यसैले दाङ क्षेत्र नं. १ अन्तर्गतका विभिन्न विकास योजनाहरूको इतिहास हेर्दा २०७३ साल चैत २० गते नै सम्बन्धित स्थानहरूका लागि बजेट माग गरी विकासको आधार निर्माण गर्ने कार्यमा नेपाली कांग्रेस र तत्कालीन क्षेत्रीय सभापति भेषराज पाण्डेले खेलेको भूमिका महत्वपूर्ण र स्मरणीय रहेको देखिन्छ । विकासका यी प्रयासहरू क्षेत्रको समग्र समृद्धि र पूर्वाधार विकासका लागि गरिएको दूरदर्शी पहलका रूपमा इतिहासमा दर्ज रहनेछन् ।
प्रतिक्रिया दिनुहोस्