काठमाडौं – १९ औं राष्ट्रिय धान दिवस आज मनाइँदै छ । यो वर्ष ‘धान रोपौं, खाद्यान्नमा आत्मनिर्भर बनौं’ नाराका साथ राष्ट्रिय धान दिवस मनाउन लागिएको हो । दिवसको अवसरमा दाङ जिल्ला लगायत देशभर रोपाइँ कार्यक्रमको आयोजना गरिएको छ ।
दाङ देउखुरी उपत्यकामा रहेका लमही नगरपालिका, राजपुर गाउँपालिका, गढवा र राप्ती गाउँपालिकाका कृषि सेवा उपशाखाको आयोजनामा पालिकाका विभिन्न वडाहरुमा किसानका खेतमा पुगेर धान रोपाइँ गरिएको छ ।
वि.सं २०६१ सालमा विश्वका ४३ राष्ट्रले संयुक्त राष्ट्रसंघलाई अन्तर्राष्ट्रिय धान वर्ष घोषणा गरेपछि नेपालमा वि.सं २०६१ मंसिर २९ गतेको मन्त्रिस्तरीय निर्णय अनुसार विसं २०६२ असार १५ गतेदेखि राष्ट्रिय धान दिवस मनाउन सुरु गरिएको हो ।
असारे भाकामा लोकदोहोरी गाउँदै, हिलो छ्यापाछ्याप गर्दै आज धान रोप्ने चलन छ ।
प्रतिक्रिया दिनुहोस्