दाङ – लमही नगरपालिका वडा नम्बर ५ काेलही निवासी किशोर शर्मा व्यवसायीक रुपमा पुष्प खेति गर्ने कृषक हुन । यतिबेला उनको बारीमा ढकमक्क सयपत्री फूलहरु फुलेका छन् । तिहार नजिक आइरहेको छ, तिहारलाई लक्षित गरेर गरेको व्यवसायिक पुष्प खेति अहिले तयारि अवस्थामा छ ।
शर्माले व्यवसायीक रुपमा पुष्प खेति गर्न लागेको झन्डै पांच वर्ष हुन् लाग्यो। उनले चितवनबाट बङाली नामक उन्नत जातको सयपत्री फुलका बिरुवा लिएर खेति गरेका छन । शर्माले सयपत्री फुल प्रतिकिलो चार सयका दरले बिक्री गर्ने गरेको बताए ।
‘चार वर्ष भयो यो खेती गर्न लागेको । शुरुमा घाटा लाग्यो । विचमा एक वर्ष ग्याप गरे। पछि फोन ग्राहकहरुले फोन गरेर फुल छ कि छैन भनेर खोज्न थालेपछि फेरी शुरु गरेको हुँ’-। यो वर्ष लगातार परेको असोजे झरीले भने केहि नोक्सान गरेको उनले बताए ।
थोरैबाट शुरु गरेका शर्माले अहिले दुई कट्ठामा फुल खेति गरेका छन् । दुई कट्ठामा अरु खेति गरे भने मुस्किलले ५/७ हजारको आम्दानी हुन्छ तर फुल खेतीमा सबै खर्च कटाएर विस हजार सजिलै बचत हुने उनको भनाई छ । व्यापारीले प्रति बिरुवा तीन रुपैयाँका दरले घरमै पुर्याइदिने गरेको छ’- शर्मा भन्छन ।
अन्य खेतीपाती भन्दा फुल खेति गर्दा त्यति गाह्रो नहुने उनको अनुभव छ । बिषादी छर्किन पर्दैन, मल, पानी आवश्यक छ, त्यो पनि थोरै मात्रामा भए पुग्छ । मैले मेरो बारीमा जुन प्रजातिको सयपत्री फुल रोपेको छु यो नब्बे दिनमा तयार हुन्छ । तिहारका लागि प्राय जसो साउनको पहिलो हप्ता रोप्ने गरिन्छ, यो नै समय नै तिहारका लागि उपयुक्त समय भएको शर्माले बताए ।
यस पटक शर्माले दुई कठ्ठा बारीमा पन्ध्र सय सयपत्रीका बिरुवा रोपेका छन । शुरुशुरुमा शर्मालाई सयपत्री फुल उत्पादन गर्दा कहाँ लगेर बिक्रि गरौँ भन्ने जस्तो भएको थियो अहिले घरमै लिन आउने गर्दछन भने स्थानीय बजारमै खपत हुने गरेको छ।
प्रतिक्रिया दिनुहोस्