दाङ – टरिगैंमा अटो र मोटरसाईकल ठोक्किदा एक जना गम्भिर घाइते भएका छन् । घाइते हुनेमा तुलसीपुर उपमहानगरपालिका–१२ टरीगैं निवासी १८ वर्षका योगेश नेपाली रहेको तुलसीपुर प्रहरीले बताएको छ ।
घाइते नेपालीको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि नेपालगंज रिफर गरिएको छ ।
तुलसीपुरबाट टरिगैं तर्फ आउंदै गरेको रा १ ह ४४५६ नम्बरको अटो र तुलसीपुर तर्फ जाँदै गरेको रा ७ प ३०६७ नम्बरको मोटरसाईकल एकआपसमा ठोक्किएका थिए । अटो चालक शिव खनाललाई प्रहरीले नियन्त्रणमा लिएको छ ।
प्रतिक्रिया दिनुहोस्