दाङ – घोराही उपमहानगरपालिका – ९ तेघरामा रहेको नरदेवि माध्यामिक विद्यालयमा पुर्व विद्यार्थी बन्दना शाहको सहजीकरणमा ७ लाख बढिको शैक्षिक सामग्री विद्यालयलाई हस्तान्तरण गरिएको छ । माध्यामिक विद्यालय तेघरामा लामो समय अध्ययन गर्नु भएकी बन्दना शाहले विद्यालयका वालवालिकाहरुको शारीरिक तथा मानसिक विकासमा सघाउ पुराउने उद्देश्यले सौभाग्य शाह फाउन्डेसन मार्फत विद्यालयमा ७ लाख बराबरको शैक्षिक सामग्री सहयोग गर्नु भएको हो ।
विद्यालयमा आज एक कार्यक्रमको आयोजना गरी माध्यामिक विद्यालय तेघराका पुर्व विद्यार्थी बन्दना शाहका पति अनुप शाहले विद्यालय व्यवस्थापन समितीका अध्यक्ष चैतुकुमार चौधरी र प्रधानाध्यापक कमल खड्कालाई उक्त सामग्री हस्तान्तरण गर्नु भएको हो । गतवर्ष टेवलटेनिस बास्केटबल कोर्ड, भलिवल फुटबल लगाएतका ८ लाख बराबरको सहयोग गरेकोमा यो वर्ष विद्यार्थीहरुका लागि शारीरिक व्यायाम र मनोरञ्जनका लागि पिङ, झुला लगायतका ७ लाख बढिको सहयोग गरिएको सौभाग्य शाह फाउन्डेसनका सदस्य अनुप शाहले बताउनु भयो ।
फाउन्डेशनले विद्यालयका एक विद्यार्थीलाई प्रदान गरिने वार्षिक २४ हजार नगद छात्रवृत्तिको पहिलो किस्ता १२ हजार पनि प्रदान गरेको छ । सामग्री हस्तान्तरण कार्यक्रममा विद्यालयलाई सहयोग गर्ने सौभाग्य फाउन्डेसनका सदस्य अनुप शाह, लोकबहादुर थापालाई विद्यार्थीहरुले फुलमालाले स्वागत गरेका थिए भने विद्यालयले सम्मान पनि गरेको विद्यालयका शिक्षक शमसेर नेपालीले जानकारी दिनुभयो ।
प्रतिक्रिया दिनुहोस्