साना दलहरुको बार्गेनिङ र अस्थिरता मच्याउने प्रवृत्ति अन्त्य गर्नु पर्छ – पोखरेल

दाङ – नेकपा एमालेका महासचिव शंकर पोखरेलले आगामी चुनावबाट साना दलहरुको बार्गेनिङ अन्त्य गर्नुपर्ने बताएका छन् । केन्द्रीय कार्यालय च्यासलमा आइतबार आयोजित पार्टी प्रवेश कार्यक्रममा महासचिव पोखरेलले आगामी चुनाव २०८४ मा ठूला राजनीतिक दलबीच प्रतिस्पर्धाको वातावरण बनाउनुपर्ने बताए ।

‘६/६ महिनामा मन्त्री फेरिने अवस्थाले देश बन्दैन, देशमा अब राजनीतिक ध्रुवीकरण आवश्यक छ’, महासचिव पोखरेलले भने । ठूला दलहरुबीच प्रतिस्पर्धा हुनेगरी बन्ने ध्रुवीकरणले साना दलहरुको बार्गेनिङ गर्ने र अस्थिरता मच्याउने प्रवृत्ति अन्त्य हुने बताए । जनतामा रहेको निराशा चिर्दै राजनीतिक स्थायित्व कायम गर्न पनि धेरै पार्टी नभएर बलियो पार्टी चाहिएको उनले बताए ।